Татарстанда бераз буран һәм 6 градус салкын көтелә
Бүген, 14 гыйнварда, Татарстанда температура бераз төшәчәк. Бу хакта республиканың Гидрометеорология үзәге хәбәр итә.
Республикада болытлы һава торышы була. Иртән кар явачак. Көндез дә бераз кар явы көтелә. Урыны белән, шул исәптән, Казанда да бераз буран булуы ихтимал.
Көньяк-көнбатыштан секундына 6-11 метр тизлектә җил исә. Көндез төбәк буенча, шулай ук Казанда, җил тизлеге секундына 14 метрга кадәр җитәчәк. Юлларда бозлавык була.
Татарстанда көндез һава температурасы -1..-6 градус (Казанда -2..-4 градус) була.
Алдарак «Татар-информ» Крещениегә республикада аномаль җылы тотрыклы уртача салкын һава торышына алмашыначак дип хәбәр иткән иде.