Чирмешән районында физик мөмкинлекләре чикле балалар Яңа ел бүләкләре алды
Чирмешән районы инвалидлар җәмгыяте физик мөмкинлекләре чикле 16 сабыйны Яңа ел бүләкләре белән сөендерде. Бу хакта «Безнең Чирмешән» сайтында Кадрия Гамирова яза.
Алар Искечә Яңа ел алдыннан Чирмешән, Лашман авылларында бүләкләр тараттылар. Якын көннәрдә Түбән Чегодай, Красная Поляна, Ивашкино, Югары Кәминкә, Иске Үтәмеш авылларында яшәүче балаларны да шулай куандырачаклар. Йомшак уенчык ул-кызларыбызга бик ошады.
Мондый эшнең башлап йөрүчесе Чирмешәндә яшәүче игелекле пенсионер Фәрит Хисамов. Бүләкләр алуда «Ильхан» җәмгыяте һәм районның мәрхәмәтле кешеләре булышкан.