Дәүләт Думасына ана капиталының калган өлешеннән түләүләрне арттырырга тәкъдим итәләр
Төрле фракцияләрдән депутатлар 16 гыйнварда Дәүләт Думасына ана капиталының калган өлешеннән бер тапкыр түләү суммасын 20 мең сумга кадәр арттыру турында закон проектын кертәчәк. Хәзерге вакытта балалы гаиләләр ана капиталының калган өлешен бер тапкыр бирелә торган түләү буларак 10 мең сумнан да зуррак сумма итеп ала алмый.
"Закон проекты белән "Балалы гаиләләргә өстәмә дәүләт ярдәме чаралары турында" Федераль законга үзгәрешләр кертергә тәкъдим ителә, аның нигезендә балалы гаиләләр ана капиталының калган өлешеннән бер тапкыр түләү рәвешендә алырга мөмкин сумма 10 мең сумнан 20 мең сумга кадәр арта", - диелә закон проектына аңлатма язуында.
Закон проекты авторлары билгеләп үткәнчә, күп кенә товарларга һәм хезмәтләргә, шул исәптән ялга, мәктәп формасына һәм мәктәп кирәк-яракларына бәяләрнең кискен артуын исәпкә алып, ана капиталының бер тапкыр бирелә торган түләү буларак алып була торган калган өлешен арттырырга кирәк.
"Тәкъдим ителә торган закон проектын кабул итү балалы гаиләләргә матди ярдәм күрсәтергә мөмкинлек бирәчәк", - диелә аңлатма язуында.