Татарстан хакимияте федераль Сабантуйга әзерлек буенча оештыру комитеты төзергә кушты
Татарстан хакимияте 2025 елда федераль Сабантуйны оештыру өчен җаваплы оештыру комитеты төзү турында йөкләмә бирде. Республика Министрлар Кабинетының бу карары хокукый мәгълүматның рәсми порталында чыкты. Бәйрәм Якутиядә узачак.
Документ буенча, оештыру комитеты 60 көн эчендә федераль Сабантуйга әзерлек һәм аны үткәрү планын эшләргә һәм расларга тиеш.
Карарда шулай ук оештыру комитеты составы да язылган. Аны Татарстан вице-премьеры Васил Шәйхразиев җитәкли. ТР Мәдәният министрлыгы җитәкчесе Ирада Әюпова, Түбән Кама мэры Рамил Муллин, Бөтендөнья татар конгрессы Башкарма комитеты рәисе Данис Шакиров аның урынбасарлары була. Оештыру комитеты секретаре итеп Министрлар Кабинеты Аппаратының Мәдәният һәм Татарстан халыклары телләрен үстерү идарәсе җитәкчесе Ләйсән Низамова билгеләнгән.
Шулай ук республика вице-премьеры ярдәмчесе Рамил Зәкиев, Татарстан Авыл хуҗалыгы һәм азык-төлек министрлыгы җитәкчесе Марат Җәббаров, спорт министры Владимир Леонов, республика транспорт һәм юл хуҗалыгы министры Фәрит Хәнифов, «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев һәм башкалар комитет әгъзалары булачак.