Татарстан чаңгычысы Россия Кубогы этабында скиатлонда җиңде
Татарстан чаңгычысы Дарья Непряева 2024-25 елгы Россия Кубогының бишенче этабында скиатлонда (2х10) җиңде. Ярышлар Казанда уза.
Непряева дистанцияне 51.06 минутта узган. Икенче урынны Түбән Новгород өлкәсе чаңгычысы Анастасия Кулешова алган. Аның нәтиҗәсе – 51.09 минут.
Узышлар нәтиҗәсе буенча, өченче урында Мәскәү өлкәсеннән килгән спортчы Арина Калиева, ул дистанцияне Непряевадан 0,9 секундка калышып узган.
Дүртенче урынны Елизавета Пантрина (Төмән өлкәсе) яулаган. Бишенче урында Алина Пеклецова (Вологода өлкәсе).