«Дуслык» үзәгендә балалар күпләп агулаганнан соң, хастаханәдә бер пациент калган
«Дуслык» үзәгендә балаларны күпләп агулаганнан соң, Республика йогышлы авырулар хастаханәсендә бер балигъ булмаган пациент калган. Бу хакта Татарстан Сәламәтлек саклау министрлыгы матбугат хезмәтендә хәбәр иттеләр.
«Динамика уңай, пациент терелүгә бара. Калган барлык пациентлар да өйләренә чыгарылган», - дип өстәделәр ведомствода.
Узган җомгада «Татар-информ» Татарстан Сәламәтлек саклау министрлыгына сылтама белән хәбәр иткәнчә, Республика клиник йогышлы авырулар хастаханәсенә эчәк агулану билгеләре булган 12 баланы китергәннәр.
Тикшерүчеләр мәгълүматлары буенча, бу хәл 16 гыйнварда була. Хастаханәгә 16-17 яшьлек берничә укучы авыруның төрле симптомнары белән китерелә. Шуннан соң Тикшерү комитетында «куркынычсызлык таләпләренә җавап бирми торган хезмәтләр күрсәтү» маддәсе буенча җинаять эше кузгаталар.