Балалары булган йортны яндырган хатынга карата хөкем карары үз көчендә калды
Суд Татарстанның Тукай районында яшәүче 30 яшьлек хатын-кызга карата хөкем карарын үз көчендә калдырды.
Искәртеп үтик, туганнары эчтә булган вакытта йортка ут төртеп яндырган хатын-кызны Татарстан Югары суды гаепле дип тапкан иде. Аны 13 елга төзәтү колониясенә җибәрү һәм алга таба бер елга ирегеннән мәхрүм итү җәзасы бирелде.
Хөкем карары законлы көченә керде.
«Татар-информ» язганча, узган елның июнь аенда Татарстанның Тукай районы Сәет авылында өч олы кеше һәм 4-10 яшьлек дүрт бала булган йорт янды. Тикшерү моны ут төртү дип санады һәм барлык гаепләүләр Гардановага төште. Янгында аның балалары, ире, абыйсы һәм әнисе һәлак булды.