Санкт-Петербургта татар теле курслары кабат эшли башлады
19 гыйнвардан Санкт-Петербургта Татар мәдәнияте үзәгендә татар теле өйрәнү буенча бушлай курслар үз эшен дәвам итә. Курсларга теләгән һәркем йөри ала, яшь һәм тел белү дәрәҗәсе буенча чикләүләр юк. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге даими вәкиллеге хәбәр итә.
Укулар ике форматта: теория һәм гамәли дәресләр форматында уза. Дәресләр 2025 елның гыйнварыннан маена кадәр үткәрелә. Теория һәм гамәли дәресләрне татар теле укытучысы, филолог-тәрҗемәче, Санкт-Петербургтагы Каюм Насыйри институтының Мәгариф-мәдәният үзәге методисты Фирая Рәшитова уздыра.
Дәресләр һәр якшәмбе көнендә 15:00 – 16:30 сәгатьтә үтә. Курсларга йөрергә теләгән кешеләр 7(911) 255-52-26 телефонына яки fira-ya@mail.ru почтасына мөрәҗәгать итә ала.