Бөгелмәдә чаңгы ярышлары була
30 гыйнвардан 1 февральгә кадәр Бөгелмә чаңгы базасында республика буенча чаңгы ярышлары була. Ярышлар Фәнис Кәримов истәлегенә багышлана. Бу хакта «Бөгелмә авазы» хәбәр итә.
Анда 2009–2012 елгы егетләр һәм кызлар катнаша. Чаңгычылар трассаны классик стильдә, спринтта, шулай ук ирекле стильдә катнаш эстафетада узачак.
Җиңүчеләргә грамоталар, медальләр һәм бүләкләр тапшырыла.