Профессор Россиядә пенсияләре артачак категорияләрне атады
Февральдә Россия гражданнарының кайбер категорияләренең пенсиясе арта, ә узган ел өчен түләүләрне инфляция дәрәҗәсенә кадәр өстәмә индексацияләү пенсия алучыларның барысына да кагылачак. «Югары икътисад мәктәбе» илкүләм тикшеренү университетының хокук факультеты деканы, профессор Вадим Виноградов шулай дип белдерде.
Белгеч билгеләп үткәнчә, февральдә гыйнвар аенда эшеннән киткән эшләүче пенсионерларның пенсиясе арта. Шулай ук гыйнварда 80 яше тулган гражданнар да арттырылган пенсия алачак. Февральдә аларның фиксацияләнгән пенсиясен ике тапкыр – 17 500 сумга кадәр диярлек күтәрәләр, диде ул «Прайм» агентлыгына.
Элегрәк Думаның бюджет һәм салымнар комитеты әгъзасы Никита Чаплин февральдән түләнәчәк иминият пенсиясенең уртача күләмен атаган иде.