Дональд Трамп якын арада АКШ территориясе «шактый зураячак» дип белдерде
АКШ территориясе якын арада «шактый зураерга» мөмкин. Америка Кушма Штатлары Президенты Дональд Трамп шулай дип белдерде.
«Якын киләчәктә безнең ил зураерга мөмкин», - диде Трамп Лас-Вегаста чыгыш ясаганда. Бу хакта ТАСС агентлыгы хәбәр итә.
Элегрәк Трамп Канада АКШның 51нче штаты булырга тиешлеге хакында берничә тапкыр белдергән иде. Моңа алмашка ул Оттавага өстенлекләр вәгъдә итте. Америка лидеры шулай ук юридик яктан Дания территориясе саналган Гренландия дә АКШ составына керергә тиеш дип әйтте.