Актанышның Югары Яхшый авылында «Дәүҗия» мәчетендә дин эшлеклеләре очрашты
Актанышның Югары Яхшый авылында «Дәүҗия» мәчетендә мөселман кардәшләребез бик матур очрашуга җыелды. Биредә Актаныш районы, Чаллы, Әлмәт шәһәрләреннән дин эшлеклеләре килде. Биредә бик матур тәрбияви очрашу узды. Бу хакта «Актаныш» сайтында Ләйсән Газизова яза.
Мәчет имамы Нурмөхәммәт Хөснетдинов хәләл җефете Сөембикә белән дини календарьлар чыгарды. Әлеге календарьда ислам диненә кагылышлы бәйрәмнәрнең даталары күрсәтелгән, Аллаһы Тәгаләнең 99 исеме язылган.
Шулай ук әнисе хөрмәтенә шушы якты, матур, затлы мәчетне төзеткән Булат Әхмәдуллинның тәрбияви фикерләре дә язылган. Күренекле якташыбыз, меценат, бик күп чараларның иганәчесе Булат Гомәр улы үзе дә әлеге бәйрәмдә катнашты, дин кардәшләренә изге теләкләрен җиткерде. Хәзрәтләр бик мәгънәле вәгазьләр укыды.
Фото: © http://aktanysh-rt.ru/