КФУны тәмамлаучыларның 75 проценты узган ел Татарстанда медиа өлкәдә эшли башлаган
«Татмедиа» матбугат һәм массакүләм коммуникацияләр буенча республика агентлыгы җитәкчесе Айдар Сәлимгәрәев IT-паркта «Татмедиа» агентлыгының коллегия утырышында медиа тармактагы кадрлар проблемалары турында сөйләде.
«Без югары уку йортлары белән актив хезмәттәшлекне дәвам итәбез. Биш ел эчендә КФУны журналист белгечлеге буенча 1512 чыгарылыш укучысы тәмамлаган. Биш ел эчендә медиа тармакка белгечлек буенча 897 кеше эшкә урнашкан. 2024 елда 227 чыгарылыш сыйныф укучысы диплом алган, аларның 75 проценты медиа өлкәгә эшкә урнаштырылган», – диде Айдар Сәлимгәрәев.
2022 елдан КФУның Филология һәм мәдәниятара багланышлар институтының Габдулла Тукай исемендәге Милли мәдәният һәм мәгариф югары мәктәбендә «Филология: татар теле һәм әдәбияты, журналистика» профиле буенча белгечләрне әзерлиләр. Татарстан медиа өлкәсенә әлеге белгечлекне тәмамлаган барлыгы 13 чыгарылыш укучысы эшкә урнаштырылган.
Айдар Сәлимгәрәев кадрлар агымының барлыгын һәм аның сәбәбе - уртача хезмәт хакы белән редакция хезмәткәрләренең хезмәт хакы арасындагы аерма аркасында барлыкка килүен әйтте.