Лениногорск районында 2 мең квадрат метр мәйданда нефть продуктлары түгелгән
Татарстанның Лениногорск районында 2000 квадрат метр мәйданда нефть продуктлары түгелгән. Бу хакта Россия Табигатьтән файдалану өлкәсендә күзәтчелек хезмәтенең Идел-Кама төбәкара идарәсе хәбәр итә.
Ведомство хәбәр иткәнчә, әлеге хәл Яңа Чыршылы авыл җирлегеннән ерак түгел булган.
Якынча 2 мең квадрат метр мәйданда туфрак пычранган.
Россия Табигатьтән файдалану өлкәсендә күзәтчелек хезмәтенең идарәсе белгечләре Лаборатор анализ һәм техник үлчәүләр үзәгенең Идел буе федераль округы филиалы хезмәткәрләре белән һәлакәт урынында туфрак үрнәкләрен сайлап алды. Анализлар нәтиҗәләре гаепле якка «Транснефть-Прикамье» АҖ килгән зыянны исәпләү өчен кулланылачак.