Казан федераль университеты профессоры Ренат Гайнетдинов вафат булган
Физика-математика фәннәре докторы, Казан федераль университетының Физика институты оптика һәм нанофотоника кафедрасы профессоры Ренат Гайнетдинов вафат булган. Аңа 74 яшь иде. Бу хакта югары уку йорты сайтында хәбәр ителә.
Ул 1950 елның 7 мартында туа. 1974 елда «физик» белгечлеге буенча Казан университетын тәмамлый. 1969 елдан аның тормышы Казан университеты белән тыгыз бәйләнгән була, анда ул студенттан профессорга кадәр юл үтә.
«Казан университеты коллективы Ренат Хәмит улының туганнарының һәм якыннарының кайгысын уртаклаша», - диелгән хәбәрдә.