НАТО генераль секретаре, сугышны булдырмас өчен, аңа әзер булырга чакырды
НАТО генераль секретаре Марк Рютте альянска керүче Европа дәүләтләрен, сугышны булдырмас өчен, аңа әзер булырга чакырды. Бу хакта ул Bild газетасына биргән интервьюда белдерде.
Сәясәтче Германия Федератив Республикасы хакимиятен хәрби сәнәгать һәм оборона тармакларында «күбрәк сарыф итәргә һәм күбрәк җитештерергә» чакырды.
«Мин сезгә ачык итеп әйтәм: без сугышка әзерләнергә тиеш. Бу сугышны булдырмау өчен иң яхшы ысул», - диде Рютте.
Элегрәк АКШ президенты Дональд Трамп НАТОны финанслау туктатылырга мөмкин, дип белдерде. Ул шулай ук альянска керүче илләрне оборонага чыгымнарны эчке тулаем продуктның 5 процентына кадәр арттырырга чакырды.