Республика ифтарына 13 мең кеше теркәлгән
Республика ифтарына 13 мең кеше теркәлгән инде. Бу хакта чараның рәсми төркемендә хәбәр ителә.
Искәртик, ифтар 19 мартта Казанда «Экспо» халыкара күргәзмә үзәгендә уза.
Республика ифтарына волонтер буларак та кушылырга мөмкин. Катнашу өчен сайтта теркәлергә кирәк.
Искәртик, 2024 елда республика ифтары Казанда 12нче мәртәбә узды. Анда ул вакытка рекордлы санда кунаклар – якынча 12 мең кеше җыелган иде. Өстәвенә, мөселманнар Татарстан башкаласыннан һәм районнарыннан, шулай ук Россиянең башка төбәкләреннән һәм дөньяның башка илләреннән дә килде.