Россиягә килүче чит ил кешеләрен медицина тикшерүе уздыру турында проект әзерлиләр
Дәүләт Думасы Россиягә килүче чит ил гражданнарын медицина тикшерүе уздыру турында закон проектын әзерли. Бу хакта парламент палатасы рәисе Вячеслав Володин Телеграм-каналында хәбәр итте.
«Безнең илгә килүче чит ил гражданнарын медицина тикшерүе белән бәйле закон инициативаларын әзерлибез», - дип язды ул.
Моннан тыш, Дәүләт Думасында РФ Хөкүмәтеннән хезмәт миграциясен җайга салу һәм Россия территориясенә хезмәт мигрантлары гаиләләренең керүе мәсьәләләре буенча тәкъдимнәр көтә.
Володин миграция сәясәте өлкәсен тулысынча тәртип урнаштырганчы камилләштерү зарурлыгын әйтте. «Моны миграция процессларын җайга салу һәм контрольдә тоту өчен җаваплы булган һәркем аңларга тиеш», – дип ассызыклады Дәүләт Думасы спикеры.