Түбән Новгород өлкәсендә «Татар кызы. Татар малае» конкурсы була
Түбән Новгород өлкәсендә 6-8 яшьлек балалар арасында «Татар кызчыгы. Татар малае» конкурсы бишенче тапкыр үткәрелә. Бу хакта Бөтендөнья татар конгрессы матбугат хезмәтендә хәбәр ителә.
Конкурсны «Түбән Новгород өлкәсе татарларының төбәк милли-мәдәни мохтарияте» ҖЧҖ, «Түбән Новгород өлкәсе татарлары конгрессы», «Татар хатын-кызларының «Ак калфак» түгәрәкара оешмасы оештыра.
Хәзерге вакытта округлардан балаларны сайлап алу һәм финалга әзерлек бара. Ул 21 февральгә Татар Моклокасы авылы мәдәният йорты базасында билгеләнгән, чөнки традиция буенча киләсе финал алдагы җиңүче кайда булса, шунда үткәрелә. Узган ел малайлар арасында Түбән Новгород өлкәсе Спас муниципаль округының Татар Моклокасы авылыннан Әхмәт Фатехов җиңүче булды.
Конкурс татар балалары арасында үсеп килүче буынның ата-бабаларының тарихи-мәдәни мирасына кызыксынуын арттыру, катнашучыларның яңа белемнәр, күнекмәләр алуы, гаиләгә, гаилә кыйммәтләренә, традицион гаилә тәртибенә аңлы мөнәсәбәт формалаштыру, балаларның иҗади мөмкинлекләрен үстерүне хуплау, милли мәдәниятнең күптөрлелеген ачучы халык традицияләренә тарту максатыннан үткәрелә.
Катнашуга гаризаларны 12 февральгә кадәр nailya.zhiganshina.62@mail.ru яки rnkatno@mail.ru почталарына җибәрергә мөмкин
Конкурсның нигезләмәсен һәм анкетаны 89202531910 телефоны буенча соратып алырга була.