Татарстан хәрбиләр өчен «СВОй бизнес» проекты гамәлгә ашырылачак пилот төбәк була
«СВОй бизнес» проектының укыту программалары март-апрельдә дүрт пилот төбәктә: Татарстан, Дагыстан, шулай ук Липецк һәм Рязань өлкәләрендә «Бердәм Россия» иҗтимагый ярдәм штаблары мәйданчыкларында узачак.
Проектка махсус хәрби операциядә катнашкан уңышлы эшмәкәрләр җәлеп ителәчәк. Алар үз эшеңне башлау һәм үстерү тәҗрибәсе белән уртаклашачак, бизнес булдыру һәм төзү эшендә ветераннарга остаз булачак.
«Укыту программасында елына кимендә 500 кеше катнаша алачак, дип планлаштырыла. Безнең бурыч – гади, аңлаешлы белем бирү блокларын булдыру. Проектта катнашучыларның һәрберсе предприятиеләрне үстерү өчен инструментлар сайлап алудан, эшмәкәрлек эшчәнлеген алып бару мәсьәләләре буенча консультацияләрдән башлап профильле белгечләр һәм остазлардан даими ярдәмгә кадәр тулы бер ярдәм чаралары комплексын алачак», — дип сөйләде «Бердәм Россия» партиясе Генераль советы секретаре Владимир Якушев.
«СВОй бизнес» проекты махсус хәрби операция катнашучыларын, хәрби хәрәкәтләр ветераннарын һәм аларның гаилә әгъзаларын эшкуарлык күнекмәләрен үстерү һәм үз бизнесын ачарга ярдәм итү аша гадәти тормышка яраклаштыруга юнәлдерелгән.