Миңнеханов эш сәфәре белән Согуд Гарәбстанына килде һәм гомрә кылды
ТР Рәисе Рөстәм Миңнеханов эш сәфәре белән Согуд Гарәбстанына килде. Җиддә халыкара аэропортында аны провинция губернаторы Бен Абдалла бен Джалави Әл Сауд каршы алды. Бу хакта Татарстан лидерының матбугат хезмәтендә хәбәр иттеләр.
Миңнеханов килүгә гомрә кылу өчен Мәккәгә юл тотты.
Фото: © ТР Рәисе матбугат хезмәте
«Бөтен дөньядан меңләгән мөселман изге Рамазан ае алдыннан гомрә кыла. Алар янында булу мөмкинлеге өчен Аллаһка рәхмәтлемен. Аллаһы Тәгалә укыган догаларыбызны кабул итсен. Илебезгә тынычлык, халкыбызга сәламәтлек, йортыбызга бәрәкәт сорадык!"- дип язган ТР Рәисе үзенең телеграм-каналында.
Бүген Миңнеханов берничә эшлекле очрашу үткәрәчәк.