Декрет ялының түләнә торган чорын өч елга кадәр озайтырга тәкъдим иттеләр
Декрет ялының түләнә торган чорын өч елга кадәр озайтырга кирәк. Дәүләт Думасының гаиләне яклау, ата-аналар һәм балалар мәсьәләләре комитеты рәисе Нина Останина ТАСС агентлыгы белән әңгәмәсендә шулай дип белдерде.
«Бездә пенсия яшен арттыруга бәйле рәвештә әбиләр һәм бабайлар (алар озаграк эшләргә мәҗбүр, оныкларын тәрбияләргә көчләре җитми) институты юкка чыга язуын исәпкә алып, бу мәсьәлә шундый яссылыкта куела. Мин аны хуплыйм», - дип искәртте Останина.
Ул шулай ук барлык ата-аналарның да баласын яшь ярымнан бакчага бирергә батырчылык итмәвенә, аны мөстәкыйль рәвештә тәрбияләүне өстен күрүенә игътибар юнәлтте. Депутат искәрткәнчә, хәзерге вакытта туучылар санын арттыру турында күп тәкъдимнәр яңгырый. Әмма бу мәсьәләне бер тапкыр бирелә торган акчалата түләүләр белән хәл итәргә ярамый.
«Әгәр түләнә чорны өч ел итсәк, бу бик күп хатын-кызларны шушы вакытта чираттагы баласын табарга этәрер дип уйлыйм», - дип сүзен төгәлләде Нина Останина.