Татарстанда агросыйныфлар эшенең уникаль методикасы эшләнәчәк
Татарстанда агросыйныфлар эшенең уникаль методикасы эшләнәчәк. Авылларда яшәүче балаларның һөнәри ориентациясе буенча һәр юнәлеш өч яссылыкта каралачак: һөнәрчелек, инновацияләр һәм бизнес. Бу хакта «Казан Агро 2025» авыл хуҗалыгы күргәзмәсе вакытында Татарстан Аграр яшьләр берләшмәсе рәисе Миләүшә Заһидуллина хәбәр итте.
«Методика педагоглар, психологлар һәм инвесторлар җәлеп итеп, профильле аграр югары уку йорты катнашында эшләнәчәк. «Балалар бакчасы – мәктәп – урта яки югары белем бирү учреждениесе» бөтен белем бирү процессы аша һөнәри юнәлеш бирү системасы формалаштырылачак, студентларны фәнни эшкә этәрү өчен шартлар тудырылачак», – диде ул.
Аграр яшьләр берләшмәсе тарафыннан «Агропоколение» программасы эшләнде, дип өстәде Заһидуллина. Ул авыл территорияләрендә яшәүче балаларга һәм яшьләргә зооветеринария, агроинженерия, агробизнес, биотехнология буенча һөнәри юнәлеш бирүгә юнәлдерелгән.