Казан халыкның керемен арттыру буенча миллион кеше яши торган шәһәрләр исемлегенә кергән
Казан 2024 елның IV кварталында җан башына уртача керем үсеше буенча Россиянең миллион кеше яши торган шәһәрләре арасында өченче урынны алган. 2023 елның шул ук чоры белән чагыштырганда, Татарстан башкаласында яшәүчеләрнең керемнәре 22 процентка арткан. Бу хакта «Татар-информ»га Россия Хөкүмәте каршындагы Финанс университетын тикшерү нәтиҗәләреннән билгеле булды.
Рейтинг лидеры Ростов-на-Дону булып чыкты, анда яшәүчеләрнең керемнәре бер елда 28 процентка арткан. Икенче урында Красноярск (23 процент), Мәскәү (10 процент) иң соңгы урында тора.
500 меңнән 1 миллионга кадәр халкы булган шәһәрләр рейтингында Чаллы 14нче урында, Автошәһәрдә яшәүчеләрнең керемнәре уртача 14 процентка арткан. 250 меңнән 500 меңгә кадәр халкы булган шәһәрләр арасында Түбән Кама 24нче урында, анда бер елда җан башына уртача керем 18 процентка югары булуы теркәлгән.