Васил Шәйхразыев Пискарев мемориаль зиратында булды
Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыевның Санкт-Петербург шәһәренә эш сәфәре дәвам итә.
Эш сәфәре кысаларында ул Пискарев мемориаль зиратында булды. Татарстан Республикасы исеменнән венок һәм чәчәкләр салды. Бу хакта Бөтендөнья татар конгрессы матбугат хезмәте хәбәр итә.
Чарада Санкт-Петербург хөкүмәте әгъзасы-Санкт-Петербургның тышкы элемтәләр комитеты рәисе Григорьев Евгений Дмитрий улы да катнашты.