Казан һәм Түбән Кама аэропортларында вакытлы чикләүләр гамәлдән чыгарылды
Очышларның иминлеген тәэмин итү өчен Казан һәм Түбән Кама аэропортларында самолетларны кабул итү һәм җибәрүгә карата кертелгән вакытлы чикләүләр 9.00 сәгатьтә гамәлдән чыгарылды.
Вакытлы чикләүләр бүген 6.30 сәгатьтән гамәлдә булды.
«Һава судносы экипажлары, авиадиспетчерлар һәм аэропорт хезмәтләре очышларның иминлеген тәэмин итү өчен барлык кирәкле чараларны кабул итә һәм бу - төп өстенлек», - дип хәбәр итә Росавиация.