Татарстанда циклон йогынтысы сәбәпле -5 градус салкын һәм кар яву көтелә
Бүген, 25 февральдә, Татарстанда циклон йогынтысы сәбәпле уртача салкын, карлы һәм болытлы һава торышы саклана. Бу хакта ТР Гидрометеорология үзәге хәбәр итә.
Республикада болытлы (көндез аязучан болытлы) һава торышы фаразлана. Бөтен төбәктә бераз, ә урыны белән уртача кар яву көтелә. Иртән кайбер урыннарда төнлә төшкән томан саклана.
Җил төньяк һәм төньяк-көнчыгыштан секундына 6-11 метр тизлек белән исүен дәвам итә. Юлларда бозлавык барлыкка килә.
Төнлә -11, -16 градус булганнан соң, тәүлекнең якты вакытында Татарстанда һава -5, -10 градуска кадәр (Казанда -5, -7 градуска кадәр) җылына.
Элегрәк «Татар-информ» республикада циклоннар йогынтысы сәбәпле уртача салкын һәм карлы һава торышы урнашу турында хәбәр итте.