Үзәк банк бер кеше исеменә рәсмиләштерергә мөмкин булган карталар санын чикләргә тели

РФ Үзәк банкы бер кеше исеменә рәсмиләштерергә мөмкин булган карталар санын чикләүне дөрес итеп гамәлгә ашыру турында уйлый. Бу хакта Президентның хөкүмәт әгъзалары белән киңәшмәсе барышында регулятор башлыгы Эльвира Нәбиуллина хәбәр итте.

«Без бер кеше исеменә рәсмиләштерергә мөмкин булган карталар санын чикләүне дөрес итеп гамәлгә ашыру турында фикер алышабыз», - диде ул.

Үзәк Банк башлыгы билгеләп үткәнчә, мондый чикләүләр гади гражданнарга кагылмаячак, чөнки алар үз исеменә 100 яки 1000 төрле банк картасы ачмый.

Ә менә «мондый практика яратучылар» өчен Нәбиуллина лимит билгеләргә тәкъдим итте. Мәсәлән: бер банкта максимум 5 карта һәм төрле кредит оешмаларында 20 картага кадәр ачарга рөхсәт итәргә.

«Бу масштабны киметәчәк. Безнең карашка, бу намуслы кешеләрнең хокукларын берничек тә чикләмәячәк, ягъни аларның барлык ихтыяҗлары исәпкә алыначак», - дип аңлатты Нәбиуллина.