Тубылда Якуб Зәнкиевның тормышына һәм иҗатына багышланган викторина була
Тубылда Якуб Зәнкиевның тормышына һәм иҗатына багышланган викторина уздыралар. Бу турыда Бөтендөнья татар конгрессы хәбәр итә.
Тубыл шәһәре себер татарлары милли мәдәни автономиясе җирле язучыларыбызның иҗатын популяштыру максаты белән ел саен викторина үткәрә. Быел Якуб Камали улы Зәнкиевның тормышына, иҗатына багышланган викторинада катнашучылар арасында мәктәп укучылары күп булыр дип көтеп калабыз. Викторинаның нәтиҗәсе Бөек Җиңү бәйрәменә багышлап оештырылачак. Җиңүчеләрне Дипломнар һәм бүләкләр көтә, диелә хәбәрдә.
Сорауларны Конгресс сайтында карап була.