Казан укучылары Идел буе федераль округы интеллектуаль олимпиадасы финалына чыкты

Казан укучылары Идел буе федераль округының интеллектуаль олимпиадасы финалистлары булды. Бу турыда Казан мэриясе хәбәр итте.

Төбәк этабында 13 җиңүче Татарстанны Идел буе федераль округының интеллектуаль олимпиадасы финалында тәкъдим итәчәк. Алар арасында инженер үзәгеннән, 6 нчы һәм 90нчы гимназияләрдән, «СОлНЦе» махсуслаштырылган олимпиада-фәнни үзәгеннән, шулай ук Яр Чаллыдан «Кванториум» балалар технопаркында тәрбияләнүчеләр бар.

Бу айда Пермьдә Идел буеның 14 төбәгеннән егетләр һәм кызлар җыелачак. Финал ярышлары дүрт юнәлеш буенча уза. Бу робототехника, пилотсыз очу аппаратлары белән идарә итү һәм программалаштыру, уйлап табучылык бурычларын хәл итү, «Нәрсә? Кайда? Кайчан?» интеллектуаль уены.

Быел Идел буе федераль округының олимпиадасы унынчы тапкыр уздырыла. Проектның төп максаты – яшьләрнең интеллектуаль үсеше өчен шартлар тудыру һәм укучыларны фәнни-инновацион эшчәнлеккә җәлеп итү, дип хәбәр иттеләр Татарстан Республикасы Мәгариф министрлыгы матбугат хезмәтендә.