Татарстанда җепшек кар, яңгыр һәм 4 градуска кадәр җылы булуы көтелә
Бүген, 9 мартта, Татарстанда чираттагы төньяк-көнбатыш циклонының атмосфера фронты йогынтысы нәтиҗәсендә дымлы һәм җылы һава торышы көтелә. Бу хакта ТР Гидрометеорология үзәге хәбәр итә.
Республика өстендәге күк аязучан болытлы булачак. Урыны белән, шул исәптән Казанда, юеш кар һәм яңгыр явачак.
Иртәнге һәм көндезге сәгатьләрдә көньяк һәм көньяк-көнбатыштан секундына 6-11 метр тизлектә көчле җил исәчәк, урыны белән аның тизлеге 15-18 метрга кадәр көчәячәк (ТР башкаласында – 15 м/с кадәр).
Татарстанда көндез температура -1 дән +4 градуска кадәр (Казанда – +1 дән +3 градуска кадәр) тәшкил итә.