Россия Кораллы көчләре Курскида – Лебедевканы, Сумы өлкәсендә Новенькое хуторын азат итте
«Төньяк» гаскәри берләшмәсе хәрбиләре һөҗүм итү барышында Курск өлкәсендәге Лебедевка авылын һәм Сумы өлкәсендәге Новенькое хуторын азат итте. Бүген РФ Саклану министрлыгында шулай дип белдерделәр.
Кичә «Әхмәт» отряды командиры, генерал-лейтенант Апты Алаудинов хәбәр иткәнчә, Россия хәрбиләре Курск өлкәсендәге барлык участокларда һөҗүмгә күчкән.
«Фронтның Курск участогындагы бөтен юнәлешләрендә дә барлык берләшмәләр масштаблы һөҗүмгә күчте. Дошман позицияләрен ташлап китә. Безнең егетләр алга таба уңышлы хәрәкәт итә», - дип язган ул Telegram-каналда.