Биолог Казансуның башка елгаларга караганда иртәрәк боздан арыну сәбәбен аңлатты
Ел саен яз көне Казансу башка елгаларга караганда иртәрәк боздан ачыла. Бөтенроссия табигатьне саклау җәмгыятенең Татарстан республика оешмасы советы әгъзасы, Казан биологы Антон Бортяков «Татар-информ»га моның сәбәбе турында сөйләде.
«Казансу ел саен боздан Идел, Чулман һәм кечкенә елгаларга караганда иртәрәк ачыла. Бу уникаль елга, үзенең гидрохимик тибы белән ул сульфатлыларга керә, шул ук вакытта якын-тирәдәге башка елгалар гидрокарбонатлыларга карый. Аның гидротуклануының өчтән ике өлеше югары сульфатлы минеральләшкән чишмәләрдән тора», - дип аңлатты агентлык әңгәмәдәше.
Быел март башында Казансу урыны белән боздан арынды. Мисал өчен, өченче транспорт дамбасына кадәр. Моның белән Казанның чыныгырга һәм фридайвинг яратучылар файдаланып, яңа су коену сезонын ачты. Елгада боз калган урыннар бар, әмма ул бик юка. Шулай да, шуңа да карамастан, кайбер балыкчылар һаман да боз астына төшеп китү һәм туңу куркынычы булса да балык тотарга йөри.