Әлмәттә «Караш» фестивале кысаларында яшь режиссерларның лабораториясе була

28-30 мартта Әлмәтнең төрле мәйданчыкларында яшь режиссерларның театр лабораториясе финалы – «Караш» фестивале була. «Караш» – «Аркадаш» проекты театр лабораторияләренең берсе. Ул Татарстан районнарын өйрәнүгә, фактлар һәм җирле чынбарлыкка нигезләнгән әдәби әсәрләр булдыруга юнәлтелә.

«Лабораториядә катнашучылар – ГИТИСның Россия мәдәният һәм сәнгать институты студентлары (Дамир Сидеев, Талия Төхвәтуллина, Илнур Гарифулла, Камил Гатаулла, Наҗия Галимова), фактология методын (вакыйгаларны һәм күренешләрне өйрәнү) кулланып, режиссерлар, алар призмасы аша яңа театр формаларын булдыру өчен, төбәкнең төрле территорияләренә юнәлтеләләр», – дип хәбәр итә оештыручылар.

«Караш» фестиваль программасына, спектакльләр күрсәтүдән тыш, ГИТИС педагогларының актерлык осталыгы буенча тренинглары, остаханә һәм лекцияләр, экскурсия-медиация кертелә. Фестиваль дәвамында ачык остаханәләрдә дөньякүләм танылган скульптор Әлфиз Сабировның эшен карап булачак. Программа белән сылтамага басып танышырга мөмкин.

• Проектны «Татнефть» хәйрия фонды һәм «Әлиф» иҗат берләшмәсе катнашучылары тормышка ашыра. «Ул Татарстанның мәдәни тормышын үстерү юлында мөһим адым булып тора, иҗади активлыкны стимуллаштыра һәм заманча театр практикалары аша җирле мәдәнияткә игътибарны җәлеп итә», - диелә хәбәрдә