Казанда Шәрәф Мөдәррис исемендәге яшь тәрҗемәчеләр бәйгесе узачак
Казан федераль университеты Филология һәм мәдәниятара багланышлар институтының Г.Тукай исемендәге Милли мәдәният һәм мәгариф югары мәктәбе базасында Казан шәһәре мәгариф идарәсе белән берлектә Шәрәф Мөдәррис исемендәге яшь тәрҗемәчеләр ачык шәһәр конкурсы уза. Бу хакта КФУның Филология һәм мәдәниятара багланышлар институты матбугат хезмәте хәбәр итә.
«Бәйгенең төп максаты - туган телләрне саклау. Без укучыларда татар телен өйрәнү, аны үстерү һәм саклауга карата кызыксыну уятабыз. Әлеге чара ярдәмендә аларны татар мәдәнияте һәм әдәбияты белән таныштырабыз. Киләчәктә яшь тәрҗемәчеләр арасында Равил Бохараевның эшен дәвам итүчеләр барлыкка килсен һәм татар язучыларының әсәрләрен инглиз теленә тәрҗемә итү практикасы яшәвен дәвам итсен иде», - диде тел һәм мәдәниятара багланышлар кафедрасы мөдире Алсу Әшрәпова.
Конкурс ике этапта уза. 11 март институтта КФУның Филология һәм мәдәниятара багланышлар институтында читтән торып үткәрелгән беренче тур тәмамланды, аның кысаларында катнашучылар оештыру комитетына татар әдәбияты классиклары һәм хәзерге татар язучылары әсәрләреннән өзекләрнең язма тәрҗемәләрен тәкъдим итте. Жюри тәрҗемәләрнең сыйфатын, аларның төгәллеген, стилистик сыйфатын һәм эшкә иҗади якын килүне бәяләде. Иң яхшы эшләрнең авторлары икенче турга үтте.
Икенче - көндезге этапта анда финалистларга жюри алдында үз тәрҗемәләрен якларга туры киләчәк. Моннан тыш, финалга чыгучыларга танылган татар әсәреннән бер өзекне сүзлек кулланмыйча тәрҗемә итәргә тәкъдим ителә.
Бәйгедә җиңүчеләрне I, II һәм III дәрәҗә дипломнар, акчалата призлар һәм чараның иганәчеләре әзерләгән кыйммәтле бүләкләр көтә.