Все новости

Татарстан Республикасы Рәисе Рөстәм Миңнеханов Туган тел көне һәм Габдулла Тукайның тууына 139 ел тулу уңаеннан республика халкына мөрәҗәгать итте.

26 апрель көнне яңа Камал театры каршында «Мин татарча сөйләшәм» акциясе узачак. «Татар-информ» акциянең 20 еллыгы – юбилей бәйрәме ничек узачагы турында яза.

Саба районы фельдшер-акушерлык пункты фельдшерлары балачаклары Бөек Ватан сугышы елларында үткән өлкән яшьтәге пациентларга аерым кайгыртучанлык күрсәтә. Бу кешеләр авыр сынаулар кичкән, якыннарын югалткан, ачлык-ялангачлыкны күргән. Шуңа күрә медицина персоналы алар алдында җаваплылык тоя - ул коточкыч вакыйгаларның аларның сәламәтлегенә һәм психологик халәтенә йогынтысын исәпкә ала. Бу хакта https://saby-rt.ru яза.

26 апрельдә Бөек Җиңүнең 80 еллыгына багышланган «Җиңү өчен 80 км!» патриотик велосипед узышы оештырыла. Чарада теләге булган һәркем катнаша ала, алдан теркәлү таләп ителми. Бу хакта tat.e-nkama.ru сайтында хәбәр ителә.

Җиңү көне алдыннан 200дән артык бөгелмәле Татарстан Рәисе һәм шәһәр мэры тарафыннан бүләкләр алачак. Якынлашып килүче бәйрәм белән котлаулар ветераннарны бик сөендерде. Аларга беренче чиратта нык сәламәтлек һәм иминлек теләделәр. Тантаналы шартларда ветераннарга азык-төлек җыелмалары, бүләкләр һәм исемле котлау открыткалары тапшырылды. Бу хакта «Бөгелмә авазы» сайтында хәбәр ителә.

Бөек татар шагыйре Габдулла Тукайның туган көне, Туган тел көне уңаеннан, Баулы шәһәренең Нурсөя һәм Фәнис Яруллинар истәлегенә куелган һәйкәл янында Шигырь бәйрәме узды. Чараны 3нче мәктәп китапханәчесе Флёра Хәсәнова оештырды. Бу хакта «Баулы-информ» сайтында Ләйсән Сәетгәрәева хәбәр итә.