Стати ісі: Қазақстан Ұлттық қорға 80 миллион долларды қайтарды

Ұзақ жылдарға созылған Стати ісі бойынша дауларды реттеу нәтижесінде Қазақстанның Ұлттық банкі бұғатталған активтерді Ұлттық қорға қайтарды, - деп хабарлайды Tengrinews.kz тілшісі.
Ұлттық банк төрағасы Тимур Сүлейменовтың айтуынша, бұл ақша 10 жыл бұрын бұғатталған болатын, енді оларды қайтару мүмкін болды.

"Мен бұл соңғы күндердегі жағымды жаңалық деп санаймын. Олар бұғатталғанын білесіздер. Бұл 10 жыл бұрын еді. Ұлттық қордың активтері 80 миллион доллар көлемінде бұғатталған болатын. Осы реттеудің аясында республика мен Стати тараптары арасында Ұлттық қордың активтері бұғаттан босатылды. 80 миллион доллар Қазақстанның Ұлттық қорының басқаруына қайтарылды", – деді Тимур Сүлейменов Мәжіліс кулуарында.

Журналистер кейінгі жылдары сома өсті ме, сұрады. Сүлейменов Ұлттық қордың активтері доллармен сақталатынын еске салды.
Еске салайық, кеше Үкімет, Қазақстан Ұлттық банкі және Стати тараптары, жетекші кредиторлар Tristan Oil-дің қолдауымен және келісімімен Қазақстандағы мұнай-газ активтері бойынша ұзаққа созылған дауды реттеу процесін сәтті аяқтағаны хабарланған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!