Оңтүстік Кореяда ұшақ апатқа ұшыраған сәт видеоға түсіп қалды
Оңтүстік Кореядағы Муан әуежайында Jeju Air әуекомпаниясының жолаушылар ұшағы апатқа ұшыраған сәт видеоға түсіп қалды. Кадрларды жергілікті телеарна жариялады, - деп хабарлайды Tengrinews.kz тілшісі.
МBC News лайнер қону кезінде ұшу-қону жолағынан шығып, қоршауға соғылатыны көрінетін кадрлар жариялады.
Теларна оқиға орнынан тікелей эфир жүргізіп жатыр.
Оңтүстік Кореядағы ұшақ апаты туралы не белгілі?
Оңтүстік Кореядағы ұшақ апаты таңғы сағат 9:07-де (Астана уақыты бойынша 5:07-де) болды. Бортта 175 жолаушы мен алты экипаж мүшесі болды, олар Бангкоктен оралған.
Апат салдарынан ұшақ айтарлықтай зақымданды, өрт шықты. Кейін төтенше жағдайлар қызметі өртті сөндіріп, іздеу-құтқару жұмыстары жүргізіліп жатқанын хабарлады.
Жолаушылар арасында Оңтүстік Кореяның 173 азаматы және Таиландтың 2 азаматы болғаны анықталды. Алдын ала ақпаратқа сәйкес лайнер қону кезінде құстармен соқтығысқан.
Сілтемесіз жаңалық оқисыз ба? Онда Telegram желісінде парақшамызға тіркеліңіз!