Трамптың криптовалютасы бір тәулікте мың есе өсті

АҚШ-тың сайланған президенті Дональд Трамп 18 қаңтарда өзінің ресми $TRUMP мемкоинін шығарғанын хабарлады. Бұл криптовалюта бірнеше сағат ішінде нарықтық құны 5,5 миллиард долларға жетті, - деп хабарлайды Tengrinews.kz тілшісі.

"Менің жаңа ресми трамп мемкоинім шығарылды", — деп жазды ол.



Жарияланымға сайланған президент мемкоин сатып алуға болатын Trump Meme атты парақшаға сілтеме қосты.
$TRUMP монетасы Solana блокчейнінде орналастырылған және оның 80%-ы Трамп ұйымымен байланысты CIC Digital LLC және Fight Fight Fight LLC компанияларына тиесілі. Алғашқы күні 200 миллион токен шығарылды, ал келесі үш жыл ішінде жалпы саны 1 миллиард токенге жетеді деп жоспарлануда.
Трамптың бұл бастамасы криптовалюта индустриясында әртүрлі пікірлер тудырды. Мысалы, Трамп әкімшілігінің бұрынғы Ақ үйдің коммуникациялар директоры Энтони Скарамуччи бұл қадамды "Иди Амин деңгейіндегі сыбайлас жемқорлық" деп атап, криптовалюта саласына кері әсерін тигізуі мүмкін екенін айтты.
Айта кетейік, 20 қаңтар Трампты ұлықтау рәсімі өтеді. АҚШ-та Трамптың инаугурациясына бір күн қалғанда TikTok бұғатталды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!