Трамп Путинмен телефон арқылы сөйлесуді ұйымдастыруды тапсырды
АҚШ-тың жаңа сайланған президенті Дональд Трамп көмекшілеріне өзінің инаугурациясынан кейін бірнеше күн ішінде РФ президенті Владимир Путинмен телефон арқылы сөйлесуді ұйымдастыруды тапсырды, - деп хабарлайды Tengrinews.kz тілшісі CNN-ге сілтеме жасап.
Әзірге сөйлесудің нақты күні келісілген-келісілмегені белгісіз.
Айта кетейік, бұған дейін Трамп Вашингтонда өткен инаугурация алдындағы сөзінде мыңдаған қолдаушыларына "ел бетпе-бет келіп отырған барлық дағдарыстарды шешетінін" мәлімдеген болатын. Сайланған президент АҚШ-тың көші-қон және сауда саясатын түбегейлі өзгертуді жоспарлап отыр.
АҚШ президентінің инаугурациясы дүйсенбіде шығыс уақыт белдеуінде түскі уақытта (Астана уақыты бойынша сағат 22:00) өтеді. Сол сәтте Трамп Капитолий ғимаратының ротондасында президенттік антын қабылдайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!