Астанада бала әйелді үсіп қалудан аман алып қалды

Астана тұрғыны пәтердің балконына қамалып, үйдің жанынан өтіп бара жатқан баладан көмек сұрады. Бұл туралы ТЖМ баспасөз қызметі хабарлады, - деп хабарлайды Tengrinews.kz тілшісі.
Сыртта аяз болғандықтан, 56 жастағы әйелдің жағдайы қиындай бастаған.

"1969 жылы туған әйел Астанадағы көпқабатты тұрғын үйлердің бірінің балконына қамалып қалып, өтіп бара жатқан баладан көмек сұрады. Бала 112 нөмірін теріп, құтқарушылардан көмек сұрады", - делінген ТЖМ хабарламасында.

Құтқарушылар оқиға орнына жетіп, 4-қабаттағы пәтерге 5-қабаттағы балкон арқылы альпинистік жабдықтың көмегімен кіріп, есікті ашуға көмектесті.
Құтқару операциясының нәтижесінде ешкім зардап шеккен жоқ.
Айта кетейік, құтқарушылар Жамбыл облысындағы қатты аяздың салдарынан Қордай асуында қалып қойған жүк көлігінің жүргізушісіне көмек көрсету операциясын сәтті аяқтағаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!