Շատ ցավալի է, որ դուք Եվրամիությունը նկարագրում եք որպես «այգի», իսկ մնացած աշխարհը՝ որպես «ջունգլիներ»։ Այս հայտարարությունը հիշեցնում է ոչ այլ ինչ, քան գաղութային դարաշրջանի «Մենք և բարբարոսները» պատմվածքը։ Այս մասին ասել է Ադրբեջանի նախագահի օգնական Հիքմեթ Հաջիևը՝ արձագանքելով COP29-ի մասին ԵՄ դիվանագիտական ծառայության ղեկավար Ժոզեպ Բորելի քննադատություններին։
«Փոքր Կղզային զարգացող պետություններն ավելի շատ են տուժում կլիմայի փոփոխությունից, ինչպես և ԵՄ երկրների անդրօվկիանոսյան տարածաշրջանները, սակայն ինքնակառավարումից զրկված անդրօվկիանոսյան տարածաշրջանները չեն կարող բարձրաձայնել իրենց մտահոգությունները, դրանք անտեսվում են։ Հաշվի առնելով, որ ԵՄ որոշ երկրներ զբաղվել են տխրահռչակ գաղութային կառավարմամբ և խայտառակ ստրկավաճառությամբ, դա նրանց արտոնություն չի տալիս պահպանել նեոգաղութատիրական ռեժիմը և մերժել ապագաղութացման հայեցակարգը»,- ասել է Ալիևի օգնականը։
Նա նշել է, թե ավելի լայն միջազգային հանրությունը գնահատում է Ադրբեջանը որպես COP29 ընդունող երկիր․«Սակայն միանգամայն անընդունելի է, որ Եվրամիության արտաքին քաղաքականության ծառայությունը հրահանգներ ուղարկի Եվրամիության անդամ երկրներին՝ չմասնակցելու COP29-ին։ Բացի այդ, որոշ դեպքերում Եվրամիության արտաքին քաղաքականության ծառայությունն օգտագործել է իր դիվանագիտական կապերը՝ կանխելու ԵՄ այլ երկրների մասնակցությունը COP29-ին: Այս բոլոր փորձերն անհաջող էին։ COP29-ին մասնակցել են ավելի քան 80 պետությունների և կառավարությունների ղեկավարներ, գրանցվել են ավելի քան 70,000 մասնակիցներ: Ես պարզապես կցանկանայի հիշեցնել, որ COP գործընթացը վերաբերում է ՄԱԿ-ին և աշխարհին: Չնայած, այս բոլոր անիմաստ հարձակումներին, Ադրբեջանը, որպես հյուրընկալող կողմ և COP29-ի նախագահ, կշարունակի անել հնարավորը՝ կողմերի հետ կառուցողական աշխատելու, COP-ի ներառականությունն ապահովելու և կլիմայի փոփոխության դեմ պայքարի գործողությունների գլոբալ օրակարգում ակնկալվող արդյունքների հասնելու համար»։
Հիշեցնենք, Բորելն ավելի վաղ նշել էր․ «Այս անընդունելի հայտարարությունները կարող են խաթարել կլիմայի փոփոխության կոնֆերանսի կարևոր նպատակները և Ադրբեջանի COP29-ի նախագահության վստահելիությունը։ Եվրամիությունը և դաշինքի անդամ երկրներն են «կլիմայի գլոբալ ֆինանսավորման ամենախոշոր դոնորները»։
Material scientists create a new compound that has a thermal resistance up to 72% lower than some of the best liquid metals
Топ 20 за 21 век: Metacritic назвал самые высокооценённые оригинальные игры за последние 25 лет
At last, democracy has come to Helldivers 2: A new Democracy Space Station lets players vote on which planet gets bombarded for truth and justice every 24 hours
The unholy union of Pizza Hut and PS5 exhaust fumes has created the PIZZAWARMR, a 3D-printed box you can build for free to foul up your PlayStation and warm pizza
