Лениногорск районында комбайннар парады үтте (ФОТОЛАР)
Ел саен уракка төшәр алдыннан комбайннарның әзерлеге тикшерелә – комбайннар парады уза. Быел да гадәттәгечә берничә урында узды.
Түбән Чыршылы авылы территориясендә башланып китте. Бирегә “Спартак агрофирмасы”, “Маркс”, “Ленин” хуҗалыклары үзләренең комбайннарын алып килгән иде. Брезент келәмгә бастырып “кыр кораблары”ның герметиклыгы тикшерелде, ягъни бөртекләр коелмыймы. Шунда Түбән Чыршылының артистлары менә дигән итеп концерт куйды.
Сарабиккол территориясендә “Сатурн Урал” җиде комбайнын, “Хәбибуллин Ф.З” фермерлык хуҗалыгы ике комбайнын тезеп куйганнар. Район башлыгы Рәгать Хөсәенов, авыл хуҗалыгы идарәсе начальнигы Илнур Шәймарданов механизаторларга исән-сау эшләүләрен теләделәр.
Түбән Чыршылы авылы территориясендә башланып китте. Бирегә “Спартак агрофирмасы”, “Маркс”, “Ленин” хуҗалыклары үзләренең комбайннарын алып килгән иде. Брезент келәмгә бастырып “кыр кораблары”ның герметиклыгы тикшерелде, ягъни бөртекләр коелмыймы. Шунда Түбән Чыршылының артистлары менә дигән итеп концерт куйды.
Сарабиккол территориясендә “Сатурн Урал” җиде комбайнын, “Хәбибуллин Ф.З” фермерлык хуҗалыгы ике комбайнын тезеп куйганнар. Район башлыгы Рәгать Хөсәенов, авыл хуҗалыгы идарәсе начальнигы Илнур Шәймарданов механизаторларга исән-сау эшләүләрен теләделәр.
“Лениногорская” агрофирмасы”ның кыр корабларын Иске Иштирәк бүлекчәсендә тикшерделәр.
Соңгы куст – “Зеленогорский” (Зеленая Роща) җәмгыяте иде.
Быел игенчеләр алдында 39 мең гектардан бөртеклеләрне җыеп алу бурычы тора.
Розалия Мостафина фотолары