Diego Costa 543 min avro məbləğində cərimə olunub

Atletico Madrid`in hücumçusu Diego Costa vergidən yayınma maddəsi ilə təqsirləndirilir. ONBİR Mundo Deportivo`ya istinadən xəbər verir ki, 31 yaşlı futbolçuya 6 aylıq həbs cəzası, 543 203 avro cərimə təyin olunub.

Buna baxmayaraq, o, həbs cəzasını çəkməyəcək. Belə ki, İspaniya qanunlarına əsasən, iki ilə qədər həbs müddəti cərimə ilə əvəzlənə bilər.

Qeyd edək ki, Costa artıq bir dəfə, 2014-cü ildə imic hüquqlarından əldə edilən gəlirdən 1.1 milyon avro vergi ödəmədiyinə görə ittiham olunmuşdu.