Agent: Hakimi`nin Inter`ə keçidinin əsas səbəbkarı Zidane`dır

Inter`in yeni transferi Achraf Hakimi`nin agenti Alejandro Camano futbolçunun Real Madrid`ə hansı səbəbdən qayıtmaması barədə danışıb. ONBİR Football Italia`ya istinadən, Camano`nun sözlərini təqdim edir:

“Hakimi`nin Inter`ə keçidinin əsas səbəbkarı Zidane`dır. O, hansı səbəbdən bu vaxt ərzində bir dəfə də olsun Achraf`a zəng etmədiyini izah etməlidir. Real`da Carvajal kimi oyunçunun olduğu bir halda, düşünmürəm ki, onun Madridə qayıtması düzgün seçim olardı. İndi isə mən əminəm ki, Hakimi`nin etdiyi seçim onu parlaq gələcəyə aparacaq.

Conte davamlı olaraq onunla əlaqə saxladı, klubun lahiyəsi haqda danışdı. Bu səbəbdən biz Inter`i seçdik. Düşünürəm ki, Conte səviyyəsində bir məşqçi səninlə əlaqə saxlayır və səni komandada görmək istəyirsə, bu, o deməkdir ki, sən planın vacib parçasısan.”