“Qırmızı vərəqə və penalti olmasaydı, hər şey fərqli bitə bilərdi”
Millimiz bu gün UEFA Millətlər Liqasında Kiprlə qarşılaşacaq. Yığmamızın baş məşqçisi Gianni de Biasi oyunöncəsi təşkil edilən mətbuat konfransında danışıb.
ONBİR 64 yaşlı italyan mütəxəssisin matç haqqında fikirlərini təqdim edir:
“Yaxşı oyunçularımız var. Futbolçularıma inanıram. Mənim üçün elə də çətin vəziyyət deyil. Məğlubiyyətdən sonra daha çox qələbə istəyi olur. Futbolçular öz yaxınlarını, azarkeşlərimizi sevindirmək istəyəcəklər. İlk dəqiqədən sonadək inamlı oynayacaqlar.
Qəzet və saytlarda cürbəcür fantaziyalar yazılır. Lüksemburqla oyundan sonra guya kapitanımızın sevindiyi bildirilib. Amma bu belə deyil. Bizə meydana sakit başla çıxmaq və uğurlu nəticə qazanmaq lazımdır.
İlk oyunda azlıqda qaldıqdan sonra taktiki dəyişiklər etməyə məcbur olduq. Açığı, hücum futbolu oynamaq istəyirdik. Oyunumuz rəqibimizin gücündən asılıdır. Qırmızı vərəqə və penalti olmasaydı, hər şey fərqli bitə bilərdi”.
(Report.az)
The post “Qırmızı vərəqə və penalti olmasaydı, hər şey fərqli bitə bilərdi” appeared first on ONBİR.