Xavi: Bayern`i səfərdə məğlub edə biləcək gücdəyik
Barcelona Xavi Hernandez rəhbərliyindəki ilk məğlubiyyətini Real Betis qarşısında alıb. Görüş 0:1 hesabı ilə başa çatıb.
ONBİR Xavi`nin qarşılaşmadan sonra təşkil olunan mətbuat konfransındakı fikirlərini təqdim edir:
“Villarreal matçında bu qədər yaxşı oynamadığımız halda 3 qol vurmuşduq. Lakin bugünki görüşdə hadisələr əksinə baş verdi.
Yaxşı oynadığımız dəqiqələrdə, xüsusilə, ikinci hissənin ilk 25 dəqiqəsində qol buraxdıq və bu da oyunumuza təsir etdi. Məğlub olmağa layiq deyildik. Komandamla fəxr edirəm.
Bu oyunun nəticəsinin bizə təsir etməyəcəyinə ümid edirəm. Çünki qarşıda bizi Bayern`lə final matçı gözləyir və biz, bu matçda yalnız qələbə haqda düşünməliyik.
Bayern`i səfərdə məğlub edə biləcək gücdəyik. Başqa da yolumuz yoxdur. Növbəti tura çıxıb-çıxmayacağıq özümüzdən asılıdır. Çox çətin vəziyyətdir, lakin əlimizdən gələn hər şeyi edəcəyik”.