ЕЧЛ. “Реал Мадрид” – “Манчестер Сити”: Тахминий таркиблар билан танишинг

Хабарингиз бор, УЕФА Чемпионлар лигаси плей-офф босқичининг жавоб учрашувида “Реал Мадрид” ва “Манчестер Сити” яна куч синашади. Икки клуб ўртасидаги илк беллашув “қироллик клуби” фойдасига якунланган эди (3:2).

Ушбу жавоб баҳси учун “Тhe Sporting News” сайтининг тахминий таркиблари билан танишинг:

“Реал Мадрид”: Куртуа, Вальверде, Тчуамени, Асенсио, Менди, Себальос, Камавинга, Беллингем, Винисиус, Родриго, Мбаппе.

“Манчестер Сити”: Эдерсон, Ҳусанов, Диаш, Аке, Гвардиол, Стонез, Нико, Савио, Фоден, Мармуш Холанд.

Мазкур манбага кўра, миллий терма жамоамиз ҳимоячиси Абдуқодир Ҳусанов Рико Льюис ўрнига асосий таркибдан жой олиб, ўнг қанот ҳимояда ҳаракат қилади, деб тахмин қилмоқда. Шу билан бирга, унинг тезкорлиги Винисиусга қарши фойда беради, деб қўшимча қилинди.

Маълумот ўрнида, жавоб учрашуви 19 февралдан 20 февралга ўтар кечаси Тошкент вақти билан 01:00 да бўлиб ўтиши режалаштирилган.