Эрлинг Холанд: "Менинг энг яхши пайтимда ҳам Роналду мендан кўп гол урмоқда"

“Манчестер Сити” ҳужумчиси Эрлинг Холанд ўзининг кумири ҳисобланган Криштиану Роналду ҳақида илиқ фикрлар билдириб ўтиб, португалиялик юлдузни мақтади.

"Мен ҳозир фаолиятимнинг энг яхши дамларини ўтказяпман. Бироқ, Роналду 40 ёшида ҳам мендан кўпроқ гол урди. Бу нормал ҳолат эмас, у шак-шубҳасиз тарихдаги энг яхши футболчи" – дея Криштиануга таъриф бериб ўтди, норвегиялик футболчи.

Маълумот учун, 24 ёшли ҳужумчи жорий мавсум “шаҳарликлар” сафида 37 та учрашувда иштирок этиб, 28 та гол ва 4 та голли узатмага муаллифлик қилган. У манчестерликлар сафига кўчиб келишидан аввал “Боруссия Дортмунд” ва “Зальцбург” клубларида ҳам фаолият юритган.