Абдуқодир Ҳусанов ЖЧ-2026нинг энг яхши 100 ўйинчиси қаторида
Ўзбекистон миллий терма жамоаси ҳимоячиси Абдуқодир Ҳусанов ЖЧ-2026да иштирок этадиган энг яхши 100 футболчи рейтингида 86-ўринни эгаллади. Ушбу рейтинг The Athletic нашри томонидан бешта мезон асосида тузилган бўлиб, уларга футболчининг ҳозирги ҳолати, ўтмишдаги ютуқлари ва жамоага таъсири киради.
Ҳозирда Ҳусанов Англиянинг "Манчестер Сити" клубида ўйнайди ва миллий терма жамоанинг асосий ўйинчиларидан бири ҳисобланади. Рейтингда биринчи ўринни франциялик Килиан Мбаппе эгаллаган бўлса, иккинчи поғонада норвегиялик ҳужумчи Эрлинг Холанд жойлашган.
Рейтингда энг кўп футболчи билан Франция (12 ўйинчи) етакчилик қилади, ундан кейинги ўринда Бразилия (9 футболчи) туради.